Numri 7 në Real Madrid mbeti pa pronar me largimin e Cristiano Ronaldos, që iu bashkua Juventusin gjatë afatit kalimtar veror, por drejtuesit e klubit nuk kanë humbur kohë dhe ia kanë dorëzuar atë një lojtari të ri, të sapo zbarkuar në kryeqytetin spanjoll.

Edhe zyrtarisht sulmuesi Mariano Diaz do ta bartë numrin 7, të cilën për nëntë sezone më radhë e mbajti legjenda portugeze Cristiano Ronaldo, transmeton Gazeta Express.

Reali njoftoi përmes një videoje në Twitter se Mariano do ta veshë fanellën me numrin 7 në shpinë.

25-vjeçari iu ribashkua Real Madridit për një shumë rreth 36 milionë euro pas një sezoni të suksesshëm me Lyonin.

Mario ka stërvitur sot për herë të parë me klubin, pasi e kompletoi kalimin te Realit ditë më parë. /Express/