Zëvendësministri i MPB-së, Isa Xhemajlaj, ka takuar në Itali drejtorin e Policisë Kufitare në Bari, gjeneral Giovani Cassavola

Zëvendësministri Xhemajlaj po qëndron në një vizitë zyrtare në Itali

Zëvendësministri i Punëve të Brendshme, z.Isa Xhemajlaj po qëndron në një vizitë në Republikën e Italisë, me ç’rast ka takuar drejtorin e Policisë Kufitare në Bari, gjeneral Giovani Cassavola.

Me këtë rast zëvendësministri Xhemajlaj falënderoi Republikën e Italisë, veçanërisht karabinierët italian për ndihmën e vazhdueshme që kanë dhënë në përkrahjen për institucionet e sigurisë në Kosovë.

Në këtë takim u bisedua rreth mundësive të bashkëpunimit në mes të dy policive, veçanërisht në fushën e trajnimeve, shkëmbimin e përvojave, me theks të veçantë në menaxhimin e kufijve.

Zëvendësministri Xhemajlaj kërkoi ndihmën e Italisë për anëtarësimin e Kosovës në INTERPOL. Ndërsa Cassavola u shpreh i gatshëm që do shfrytëzojnë ndikimin e tyre për të përkrahur në anëtarësimin e Kosovës në këtë organizatë.

Autoritetet italiane theksuan nevojën që në qytetin e Barit, Republika e Kosovës të ketë konsulaten e vet për shkak të nevojës se këtë qytet udhëtojnë shumë qytetarë të Republikës së Kosovës dhe kjo do të ishte në interes të dy shteteve.

Lexo tjetër  Holandës vendos për Gjykatën Speciale