Vuqiç i tronditur: Mali i Zi ia ndalon hyrjen shtetasve serbë

Presidenti i Serbisë kritikoi autoritetet malazeze për ndalimin e katër figurave publike serbe të hynë në vend, për të marrë pjesë në një ngjarje për përkujtimin e unifikimit të të dy vendeve në vitin 1918.

Pasi mediat njoftuan të enjten se policia malazeze ka ndaluar katër figura kulturore, akademike dhe juridike serbe për të hyrë në vend, Presidenti serb Aleksandar Vuçiç dënoi vendimin dhe u zotua të përgjigjet.

Loading...

“Serbia duhet të përgjigjet. Kjo është diçka për të cilen u trondita, sepse ne ndaluam hyrjen ndaj kriminelëve … ndërkohë që dikush tjetër [Mali i Zi] ndaloi mendime të ndryshme, “tha Vuçiçi për televizionin Prva.

Ai shtoi se qeveria serbe ka marrë konfirmim nga Mali i Zi se katër shtetas serbë nuk ishin të lejuar të hyjnë, sepse ata konsiderohen si një kërcënim për sigurinë, transmeton IndeksOnline.

Vuçiç shtoi se do të kërkojë një shpjegim zyrtar nga Presidenti malazez Milo Gjukanoviç.

Gazeta malazeze Dan njoftoi të enjten në mëngjes se shkrimtarja Matija Beckoviç, historianët Cedomir Antic dhe Aleksandar Rakoviç dhe avokati Dejan Miroviq u ndaluan të hyjnë në vend.

Rakoviç e përshkroi vendimin si “shkelje e lirisë së fjalës dhe mendimeve akademike dhe shkencore nga autoritetet në Podgoricë”, njoftoi të premten faqja malazeze e Malit të Zi.

Kremtimi i njëqindvjetorit të bashkimit të Serbisë dhe Malit të Zi tashmë ka shqetësuar marrëdhëniet diplomatike midis Serbisë dhe Malit të Zi.

Më 26 tetor, autoritetet lokale në qytetin malazez të Pljevlja ndaluan një ngjarje të tillë, duke thënë se ajo “kundërshtonte traditën shtetërore të Malit të Zi”.

Vendimi u dënua nga zyrtarë të lartë serbë, duke përfshirë edhe presidentin Vuçiç, i cili tha se vendimi i ndalon njerëzit në Malin e Zi të “mendojnë ndryshe dhe të kenë një pamje tjetër të së kaluarës”.