Vazhdon aksioni për largimin e produkteve serbe me mbishkrimin ”Kosovë dhe Metohi”

Kryetari i Komunës së Prishtinës, Shpend Ahmeti, nëpërmjet një postimi në Facebook, ka shkruar se aksioni për largimin e mallrave të caktuar serbe po vazhdon.

Loading...

Ai ka thënë se po vazhdon aksioni i largimit të mallrave me mbishkrimin ”Kosova dhe Metohia”, ”Kosovo Unmik”, ”Kosovo 1244”, ”Kosovo Rezoluta 1244”, shkruan gazetametro.net

Ahmeti tha se gjithashtu janë larguar edhe produktet e tjera që kishin për adresë ndonjë qytet tjetër e jo Republikën e Kosovës.

Kryetari i Prishtinës përfundoi se aksioni do të vazhdojë në të gjitha pikat e shitjes në territorin e kryeqytetit.

Vazhdon aksioni për largimin e mallrave serbe me mbishkrime antikushtetuese

Inspektorët e Rendit Komunal, për të tretën ditë me radhë, kanë vazhduar aksionin për largimin e mallrave të importuar nga Serbia që i drejtohen Kosovës si “Kosove dhe Metohi”, “Kosovo Unmik”, “Kosovo 1244”, “Kosove Rezoluta 1244”, si dhe me emërtime të tjera në kundërshtim me emrin kushtetues të shtetit tonë. Gjithashtu, janë larguar edhe mallrat që si adresë kanë një qytet të caktuar, e jo Republikën e Kosovës.

Aksioni do të vazhdojë nëpër secilën pikë të shitjes brenda territorit të Kryeqytetit”, ka përfunduar Ahmeti. /gazetametro.net