Tetë kryetarë nëndegësh të AAK-së në Prishtinë kalojnë në LDK

Tetë kryetarë të nëndegëve të AAK-së në Prishtinë, si dhe disa koordinatorë të Forumit Rinor të AAK-së i janë bashkuar LDK-së, të martën.
 Emrat e atyre që kaluan nga AAK në LDK  janë: Exhevit Gashi, kryetar i nëndegës së AAK-së te Xhamia e Llapit, Jeta Rafuna – nëndega Kolevicë, Nazmi Beqiri – kryetar në njërën nga nëndegët në Kodrën e Trimave, Ejup Visoka – Prugovc, Skënder Sopjani – Arbëria, nëndega 1, Jahir Kelani – Vranidol dhe Teneqdoll, Mimoza Krasniqi – Makovc, Sokolo Haliti – Pejton – Lakrishte.
Prezantimin e ka bërë sekretari i përgjithshëm i LDK-së, Ismet Beqiri, i cili në konferencë ka dalë bashkë me të aderuarit, të cilët kalimin në LDK e kanë konsideruar si kthim në shtëpinë e vjetër./Koha.net/