A do të ndërrohet ora këtë të diel?

Pavarësisht se shumica e shteteve evropiane janë shprehur kundër ndërrimit të orës, edhe këtë vit do të ketë ndryshim të kohës verore dhe dimërore.

Këtë të diel akrepat do të shkojnë 60 minuta mbrapa, pra ora 03.00 e mëngjesit do të shkojë në 02.00, duke na dhënë mundësinë që të flemë një orë më shumë gjumë.

Loading...

Siç jemi mësuar, çdo 6 muaj ndodh dhe ndryshimi i akrepave të orës, edhe pse këtë herë mund të jetë hera e fundit që ndodh, pasi Parlamenti Evropian pritet të marrë vendimin për mosndryshimin e orës dimërore.

Ende nuk dihet se si do të vijojë të funksionojë në Shqipëri, por këtë herë ndryshimi do të ndodhë më 28 tetor.

Kujtojmë se e diela e fundit e tetorit dhe e diela e fundit e marsit janë ditët kur bëhet ndryshimi i orës dimërore dhe asaj verore.

Ndryshimi i orës është bërë historikisht që njerëzit të kenë mundësinë të shfrytëzojnë ditën dhe energjinë diellore.