Sulmohet nga 10 persona ambasada kanadeze në Athinë, grupi anarkist ‘Rubikon’ merr përsipër autorsinë

Pamje nga ambasada kanadeze në Athinë

10 anëtarë të grupit anarkist “Rubikon” kanë sulmuar bojëra me ngjyra dhe më sende të forta Ambasadën Kanadeze në Athinë.

Loading...

Menjëherë në vendngjarje kanë mbërritur forcat policore, të cilat kanë marrë filmimet e kamerave të sigurisë në mënyrë që të bëjnë të mundur identifikimin dhe kapjen e agresorëve.

Një reagim mbi ngjarjen ka ardhur edhe nga ministria e Jashtme greke, e cila e ka dënuar sulmin duke theksuar ndërkaq se akte të tilla nuk mund të influencojnë marrëdhëniet e shkëlqyera që kanë dy vendet.

Rouvikonas (Greqia për Rubikonin) u shfaq si grup në verën e vitit 2015 dhe ka kryer sulme të shumta të ngjashme mbi ambasadat e Iranit, Izraelit dhe Arabisë Saudite. Më e fundit, ishte ajo e prillit të këtij viti, ku rreth 15 anëtarë të “Rubikon” sulmuan konsullatën turke në Athinë.