Autobusi i linjës Kosovë-Slloveni ‘R.Gashi’ është sulmuar mbrëmë përderisa po kalonte tranzit nëpër territorin e shtetit fqinj, Serbisë.

Autobusi që ishte me udhëtar kosovar dhe linjë e rregullt është sulmuar nga serbët afër Batajnicës të cilët kanë gjuajtur me gurë.

Vendi ku është sulmuar autobusi

Siç shihet në këto fotografi të siguruara nga Indeksonline, xhami i përparmë i autobusit është dëmtuar për shkak të sulmit.

Nga sulmi është thyer xhami i përparmë

Pas sulmit, në vend ngjarje kanë dalë Policia e Serbisë dhe janë marrë me rastin.

Policia Serbe në vendngjarje

Menaxheri i kësaj kompanie, Ilir Gashi për Indeksonline ka konfirmuar sulmin duke dhënë detaje se si ka ndodhur ai.

“Unë nuk kam qenë në udhëtim, por siç kam biseduar me shoferët, disa qytetarë serbë me gurë mbi urë kanë goditë pjesën e përparme të xhamit të autobusit. Nuk i dimë arsyet, përveç që jemi shqiptar e po e shohin firmë shqiptare. Rasti ka ndodhur rreth orës 12:00”, ka thënë Gashi.

Udhëtarët duke pritur jashtë autobusit pas sulmit

Ai ka shtuar se udhëtarët kanë pritur një orë deri sa Policia e Serbisë ka bërë procesin e rastit dhe me pas kanë vazhduar rrugën drejt Sllovenisë.

“Nuk ka lëndime asgjë serioze, përveç xhamit të përparmë të autobusit”, ka shtuar Gashi.

Nuk është hera e parë që autobusët nga Kosova më udhëtarë që kalojnë nëpër Serbi të sulmohen./Indeksonline/