Albin Mehmeti tashmë është bërë një emër i njohur me punën e tij krijuese si shkrimtar, madje, vepra e tij “Telegrami” është vlerësuar si njëra ndër veprat më të mira të vitit 2018, shkruan Drenica Press.

Por shkrimtari Albin Mehmeti që vjen nga Skenderaj, anipse shquhet për njohuritë e tij të mëdha në fushën e letërsisë, ai ende jeton si i papunë, ku vendi jonë nuk i ofron një mundësi punësimi edhe pse siç thotë ai ka konkuruar në dhjetëra konkurse.

Mehmeti thotë se: Në natën mes 29 dhe 30 qershor të para tre viteve s’më mori gjumi, pasi po diplomoja. Ishte ditë gëzimi. Katër vite të lodhjes, sakrificës, punës së palodhshme, madje edhe peripecive jo të lehta shëndetësore po i kurorëzoja me diplomim. Gëzohesha se tani po më hapeshin rrugët për të ardhmen.

Sot, thuajse çdo natë më vonohet gjumi. Mbase, ndonjëherë flej pak. Jo nga gëzimi. Vitet e lodhjes, sakrificës, punës së palodhshme, madje edhe peripecive jo të lehta shëndetësore u kurorëzuan me mbylljen e dyerve.
Mbase, nuk duhet të lodhesha aq.
Mbase, nuk duhet të punoja aq.
Mbase, mbase, mbase…”

Fotografia e Albin Mehmeti