Tri shkolla në komunën e Drenasit, ajo e Abrisë, Godancit dhe Gjergjicës janë mbyllur në fillim të këtij viti shkollor.

Sipas Komunës së Drenasit, arsyeja për mbylljen e këtyre shkollave ka qenë se nuk ka pasur numër të mjaftueshëm të nxënësve e as mundësi buxhetore për të funksionuar këto shkolla, shkruan Drenicapress.info

E një problem i tillë ka lindur edhe në një fshat të Francës.

Por prindërit filluan operacionin e ashtuquajtur ”Delet” në fshatin Crets, në Belledonne, pranë Grenoble, në juglindje të vendit, pasi një klasë e shkollës u kërcënua me mbyllje për shkak të mungesës së nxënësve, transmeton atsh raportimin e DPA-së.

Ata çuan rreth 50 dele në oborrin e shkollës dje në mëngjes.

“Fëmijët tanë nuk janë dele: mos i numëroni ata!”, thanë prindërit.