Presidenta Meta shkon në vendlindje për të dhënë një mesazh të veçantë

Presidenti i Shqipërisë Ilir Meta ka vizituar këtë fundjavë qytetin e Skraparit, vendlindjen e tij.

Përmes një postimin në rrjetin social, Meta shkruan se sot së bashku me kreun e bashkisë së qytetit, rivendosën një pllakë përkujtimore për 17 heronjtë e rënë në betejën e Tendës së Qyqit.

Loading...

.Meta ka dhënë dhe një mesazh duke u shprehur se të gjithë shqiptarët duhet të kujdesen për monumentet e luftës nacionalçlirimtare.

STATUSI:

Kisha nderin sot që bashkë me kryetarin e Bashkisë të Skraparit, zotin Nesim Spahiu të rivendosnim pllakën përkujtimore me emrat e 17 heronjve të rënë në betejën madhështore të Tendës së Qypit nga 20-26 Janari i 1944, në kulmin e Operacionit të Dimrit. Kjo betejë e jashtëzakonshme deri në ndeshje trup me trup përfundoi me humbjen poshtëruese të pushtuesve falë gjakut të derdhur në betejë të partizanëve të Brigadës së parë Sulmuese dhe Grupit të Skraparit që u drejtua trimërisht nga Zylyftar Veleshnja. Kjo betejë pati një vlerë të madhe morale e psikologjike pasi tregoi se ai nuk ishte dimri i fundit i partizanëve por i pushtuesve.Të gjithë të përkujdesemi më shumë për monumentet e luftës dhe të dëshmorëve tanë.