Pos Drenasit, edhe në Fushë Kosovë paraqitet një rast me 100 euro false

Drenica Press pat raportuar ditë më parë se një person ka tentuar të paguaj me një kartëmonedhë prej 100 eurosh, në një market në Komoran të Drenasit, e cila rezultojë false.

Loading...

Rasti ishte njoftuar nga Policia e Kosovës në të cilën u tha se:

Ankuesja femër K/shqiptare punëtore në një market, ka raportuar se i dyshuari mashkull K/shqiptar kishte tentuar të blej me një bankënotë prej 100 € që dyshohet të jetë e falsifikuar. Njësia përkatëse policore është duke hetuar rastin.

Një rast i ngjashëm është paraqitur së fundmi edhe në Fushë Kosovë.

Ankuesja femër K/Shqiptare punëtore në një filial bankar, ka raportuar se gjatë deponimit të një shume parash, nga i dyshuari mashkull K/Shqiptar, ka pranuar një kartëmonedhë prej 100€ që dyshohet të jetë e falsifikuar.

Nuk raportohet për të arrestuar, ndërsa rasti është duke u hetuar. /Drenica Press/