Personi që vrau hajnin po mbronte gruan dhe fëmijët

Mbrëmjen e së martës, rreth orës 21:00, katër persona ia kishin mësyrë lagjes “Halim Bardhoshi”, e cila çonte në shtëpinë dykatëshe, në të cilën tash e dy vjet jetonte me qira Ridvan Beqiri nga Ferizaj, së bashku me familjen e tij.

Loading...

Ridvani ishte brenda në shtëpi së bashku me gruan dhe dy fëmijët, kur katër persona me maska e të armatosur tentuan të hynin për të kryer një grabitje.

Plani siç duket atyre u shkoi huq, pasi që 40-vjeçari i hetoi hajnat dhe për të mbrojtur fëmijët gruan dhe veten në sy të tyre, u detyrua të përleshej me grabitësit.

Gjatë kësaj përleshjeje me armë, siç shihet edhe në fotot që ka siguruar Express, mbeti i vdekur Kujtim Krasniqi nga fshati Makovc i Prishtinës. Ai, siç ka bërë të ditur Policia, është emër i njohur për ta, ndërkaq tre persona tjerë janë në arrati.