Për nderë të 28 Nëntorit, 28 Vlorat nga Kosova në Vlorën e Shqipërisë

Muaji nëntor na kujton pikërisht datat më të rëndësishme për popullin shqiptar.

Loading...

Ky muaj shënon ngritjen e flamurit në Krujë e më pas edhe në Vlorë.

E pikërisht në këtë muaj dhe në qytetin ku u shpall Pavarësia e Shqipërisë më 28 nëntor të vitit 1912, vajzat kosovare që mbajnë emrin Vlora, kanë udhëtuar drejt këtij vendi, shkruan Indeksonline.

Njësoj si edhe data e ngritjes së flamurit, plot 28 vajza po qëndrojnë momentalisht në Vlorë, ku po zhvillojnë vizita të ndryshme në qytetin e historisë së shqiptarëve.

Në një video të postuar nga anëtarja e LDK-së Vlora Dumoshi, mund të shihni vizitën e Vlorave nga Kosova në Vlorën e Shqipërisë. Madje ato janë pritur edhe nga kryebashkiaku i Vlorës, Dritan Leli e bashkë me to është edhe ambasadori i Shqipërisë në Kosovë, Qemal Minxhozi./Indeksonline/