Milioneri në krye të komunës që ka shtëpi në vlerë 860 mijë euro

Agjencia Kundër Korrupsionit ka publikuar raportin vjetor të deklarimit të pasurisë të zyrtarëve publik.

Loading...

Në një shtet të varfër, ku papunësia dhe moszhvillimi ekonomik janë karakteristikë kryesore, zyrtarët publik, ata që janë politikanë veçmas, janë shumë të pasur krahasuar me gjendjen ekonomike të një qytetari të Kosovës.

Agim Bahtiri, kryetar i Komunës së Mitrovicës, është njëri prej zyrtarëve më të pasur në Kosovë.

Vetëm një shtëpi e tij, që e ka deklaruar në AKK, kap vlerën prej 860 mijë eurove.

Bahtiri në AKK i ka deklaruar 4 shtëpi dhe një tokë bujqësore, që ka vlerën e 6 milionë e 200 mijë eurove.

Dy shtëpitë tjera i kushtojnë nga 150 mijë euro secila, dhe tjetra shtëpi 200 mijë euro.

Ai, përveç pagës si kryetar i komunës, ka deklaruar edhe të ardhura vjetore prej 336 mijë eurove nga fabrika e këpurdhave. /Periskopi/