Dhjetë anëtar të familjes Bytyçi nga fshati Kervasari i Komunës së Malishevës kanë mbetur pa kulm mbi kokë, pasi shtëpia e tyre është djegur plotësisht.

Në vizitë të kësaj familje i pari që ka shkuar sot ka qenë kryetari i kësaj komune, Ragip Begaj, i cili i ka premtuar se do të bëj një zgjidhje të shpejtë për të siguruar strehim.

Ndërkohë derisa t’i bëhet ndonjë zgjidhje, familja e Lulëzim Bytyçit do të strehohet tek disa të afërm në fshatin e tyre.

Kjo është bërë e ditur përmes një komunikatë për media të lëshuar nga Komuna e Malishevës.

Një shtëpi në fshatin Kërvasari të Komunës së Malishevës, është djegur tërësisht dhe dhjetë anëtar të kësaj familje kanë mbetur pa kulm mbi kokë. Këtë familje, sot në orët e para, e ka vizituar edhe Kryetari i Komunës së Malishevës, Ragip Begaj, i cili ka thënë se do ti bëhet një zgjidhje e shpejtë për ti siguruar strehim.

Gjatë vizitës në familjen e Lulzim Bytyçit, kryetari i Komunës së Malishevës, Ragip Begaj, i ka shprehur keqardhje për djegien e shtëpisë, dhe pas vizitës ka deklaruar do të shikohen të gjitha mundësitë, për një zgjidhje të shpejtë për familjen Bytyçi, në mënyrë që ti rregullohet shtëpia dhe të sigurohet banimi për këtë familje.

Familja Bytyçi, përkohësisht pritet të strehohet tek të afërmit e tij në Kërvasari.