Kurti për vizat: Haradinaj, Veseli dhe Hoxha duhet të dorëhiqen

Kryetari i Lëvizjes Vetëvendosje, ka thënë se sot Johannes Hahn u bë zyrtari i parë më i lartë i BE-së që ka përmend datë për liberalizim të vizave.

Loading...

Duke komentuar vizitën e Hahn në Prishtinë, Kurti ka thënë se kryeministëri, kryeparlamentari dhe Ministrja e Integrimeve, duhet të japin dorëheqje, njofton Klan Kosova.

“Komisionari për Fqinjësi Evropiane dhe Negociata për Zgjerim, Johannes Hahn, foli e tha: viti 2020! Datat e mëhershme për liberalizim në vitin 2018, i kishin premtuar veçse Ramush Haradinaj, Kadri Veseli dhe Dhurata Hoxha. Të tre këta duhet të japin dorëheqje.”, ka shkruar Kurti në Facebook.

“Po ashtu, ky pushtet ia ka borxh 8.200 hektarë shtetit tonë, të cilat ia dha Malit të Zi. E sa për Thaçin, ai mbase tashmë po negocion për liberalizim të vizave për Rusi. Me këta njerëz po na largohet Evropa e po na rrudhet Kosova”.