Kryetari Veseli takoi drejtoren ligjore të EBU-së, znj. Jane Vizard

Kryetari i Kuvendit të Republikës së Kosovës, Kadri Veseli, ka pritur sot në takim drejtoren ligjore të EBU-së (Rrjeti i Transmetuesve Publikë Evropian), znj. Jane Vizard, me bashkëpunëtorë.
Kryetari Veseli e falënderoi znj. Vizard për mbështetjen e madhe sidomos në ekspertizë, që EBU-ja i ka dhënë në vazhdimësi RTK-së, në funksion të zhvillimit të saj si një transmetues publik, i pavarur nga interesat politike dhe në shërbim të publikut.
Kryetari Veseli potencoi se Kuvendi i Kosovës dhe ai si drejtues i këtij institucioni kanë gjithë përkushtimin e duhur që të mbështesin zhvillimin e mëtutjeshëm të RTK-së, duke filluar me draftimin e ligjit të ri për RTK-në, si dhe procesin e digjitalizimit të mediave, proces i domosdoshëm në kuadër të sfidave të reja teknologjike.