Komuna e Mitrovicës, respektivisht Drejtoria për Mbrojtje të Mjedisit, sot ka pranuar një donacion nga GIZ-i Gjerman rreth 600 kontejnerë, me nga 240 litra, të cilët do të shërbejnë për ndarjen e mbeturinave te riciklueshme në lagjen “Ilirida” të qytetit të Mitrovicës.

Ky donacion është mbështetur nga GIZ-i Gjerman dhe projekti u implementua nga organizata Green Art Center, ku do të jenë të përfshira rreth 600 familje dhe biznese për ndarje e riciklim të mbeturinave.

Sipas Drejtorisë për Mbrojtje të Mjedisit, kontejnerët do të fillojnë të shpërndahen në lagjen “Ilirida”, gjatë javës së ardhshme.

Me këtë rast drejtori Isufi kërkon nga qytetarët të mbështesin këtë projekt i cili ka filluar së zbatuari edhe në lagje tjera të qytetit të Mitrovicës.