Pas lajmit se objekti i Komunës së Mitrovicës kishte mbetur pa rrymë, erdhi edhe reagimi i këtij institucioni me anë të një postimi në faqen zyrtare në Facebook.

Komuna e Mitrovicës dënon veprimin e ultë të këputjes së kabllos elektrike nga persona të papërgjegjshëm”.

Komuna e Mitrovicës mbetet pa rrymë që nga nata e mbrëmshme, kjo si pasojë e personave të papërgjegjshëm që e kanë këputur me qëllim kabllon kryesore të rrjetit elektrik të komunës”.

Me këtë rast Komuna e Mitrovicës iu bën apel politike që të ruajnë qetësinë dhe të mos rebelohen në këtë shkallë, ku me qëllime të caktuara keqdashëse bëjnë veprime të tilla siç kanë këputur kabllon kryesore të komunës”.

Po ashtu komuna e Mitrovicës kërkon edhe nga qytetarët që të mos bien pre e këtyre grackave dhe provokimeve, dhe i bën thirrje organeve të Policisë së Kosovës dhe hetuesisë që të kryejnë punën e tyre me nder në përputhje me ligjet në fuqi”.

Komuna e Mitrovicës si institucion lokal prioritet kryesor të saj e ka ofrimin e shërbimeve komunale për të gjithë qytetarët pa dallime politike apo etnike”, thuhet në reagimin e postuar.