Kështu votuan sot deputetët për rezolutën kundër ndryshimit të kufirit

Sot Kuvendi i Kosovës nuk ka arritur që ta miratojë një rezolutë të propozuar nga opozita me të cilën kundërshtohej prekja e kufirit shtetëror në bisedimet me Serbinë në Bruksel.
Megjithëse e iniciuar nga LDK, ka pasur deputetë të kësaj partie që nuk kanë marrë fare pjesë në votim, njofton Klan Kosova.

Nga lista zyrtare e votimit shihet se janë deputetët Naser Rugova, Naser Osmani dhe Anton Quni që nuk kanë votuar fare. Kështu ka vepruar edhe deputeti i pavarur Korab Sejdiu (që vepron në kuadër të Grupit Parlamentar të LDK-së) si dhe deputetja e Lëvizjes Vetëvendosje Fatmire Mulhaxha-Kollcaku.

Loading...

Rezolutës mbështetje i kanë thënë PSD e Shpend Ahmetit, Alternativa me dy deputetë si dhe pro saj kanë votuar nga AKR, Islam Pacolli dhe Labinot Tahiri.