Në aksidentin e ndodhur sot në rrugën “Agim Ramadani” në Prishtinë, është parë edhe këngëtari Afrim Muqiqi.

Ai ka folur para mediave, ku ka treguar se vetura e djalit të tij ishte e parkuar dhe është dëmtuar nga kamioni i kompanisë së pastrimit i cili dyshohet se ka shkaktuar aksidentin, transmeton Magazina.al

“Vetura e djalit ka qenë në parkim.Ne jemi këu pasi banojmë këtu afër, kemi dëgjur një zhurëm të tmerrshme dhe sipas dëshmitarëve kamioni I kompanisë pastrimi ka shkaktuar këtë aksident”, ka thënë Muqiqi para mediave.

Policia ka konfirmuar se nga ky aksident janë lënduar tre persona, ndërsa janë përfshirë 9 vetura

“Rreth orës 13:00 kemi pranuar informatën për një aksident trafiku në rrugën Agim Ramadani në Prishtinë. Në këtë aksident kanë qenë të përfshira 9 vetura dhe një kamion. Si pasojë e aksidentit deri tani ndihmë mjekësore u është ofruar tre personave. Me rastin po merren njësitet përkatëse”,”, tha Flora Ahmeti, zëdhënëse e policisë./Magazina.al/