Kapllani dy gola për FSV Frankfurtin

 

Edmond Kapllani shpërtheu me dy gola në sfidën e Bundesligës së dytë Bohum – FSV Frankfurt, që u mbyll në barazim 3-3. Sulmuesit të kombëtares shqiptare i mjaftuan vetëm 13 minuta lojë për t’u bërë njeriu i ndeshjes për FSV Frankfurtin, në këtë transfertë, të cilën e nisi nga stoli. Pikërisht në miniutën e 71-të, 32-vjecari zëvendësoi Odise Roshin, për t’u bërë shumë shpejt protagonist.
Në ato momente rezultati ishte fiksuar në shifrat 3-1 për Bohumin, teksa të gjitha golat ishin realizuar në pjesën e parë. Mirëpo në mimutën e 83 Eisfeld i Bokumit shkaktoin një 11-metërsh dhe u detyrua të dilte me karton të të kuq. Goditjen nga pika e bardhë e mori përsipër Kapllani, i cili e ngushtoi diferencën në 3-2, ndërsa në minutën e fundit të kohës së rregullt realizoi edhe golin e dytë personal, që i dha një pikë me shumë vlerë FSV Frankfurtit në këtë transfertë. Për Edmond Kapllanin, ky ishte goli i 7-të në 18 ndeshje në këtë sezon të Bundesligës së dytë, ndërsa 2 gola të tjerë i ka shënuar në Kupën e Gjermanisë.