Si kandidat për zgjedhjet presidenciale që do të mbahen në Serbi më 2 prill, Nenad Çanak nga LSV ka thënë se Kosova është e njohur si shtet i pavarur dhe se nuk është më pjesë e Serbisë.

Ai ka thënë se interesat e vendit të tij kërkojnë “përballje me të vërtetën”, shkruan B92, transmeton Klan Kosova.

“Problemet më të cilat përballet Serbia janë të mëdha dhe kërkojnë që ne të marrim përgjegjësinë për vendimet që duhet marrë”.

“Njohja e pavarësisë së Kosovës është nga këto vendime”, ka thënë Çanak.

Kjo sipas tij duhet të bëhet në emër të paqes në Ballkan.

“E ardhmja evropiane e Serbisë dhe pajtimi historik në mes dy vendeve, sipas shprehjes së vullnetit tim janë vendime që duhet përkrahur, ka thënë ai në një qëndrim.

Lideri i LSV ka shuar se, jo si disa kandidatë, ai nuk do që të bëhet pjesë e politikave që favorizojnë mitet në raport realitetin dhe që i ikin së vërtetës, pavarësisht se sa të pakëndshme mund të jenë ato.

“Pranimi i fakteve nuk duhet të shkaktoj bujë. Injorimi i tyre nënkupton vazhdimin e politikave të përballjes frontale me realitetin. Nga politikat e kandidatëve presidencial të sistemit të vlerave të tyre, integriteti dhe që nuk thuhet kurajës personale, varet në pozicionin ndaj Kosovës”, ka thënë Çanak.
canak

No tags for this post.