Gjuhen me kallasha në mes të Prishtinës, plagoset një 23 vjeçar

Disa persona kanë rrokur armët në duar dhe kanë provuar të sqarojnë problemet nën breshërinë e plumbave në rrugën “Asllan Pireva” në Prishtinë.

Loading...

Policia ka konfirmuar se ka pasur të shtëna me armë në lagjen Vranjefc të Prishtinës, ku është plagosur një 23 vjeçar, shkruan gazetametro.net

“Rreth orës 14:00 kemi pranuar informatën për të shtëna me armë zjarri në rrugën “Asllan Pireva” në Prishtinë. Menjëherë në vendin e ngjarjes kanë dalë njësitet e nevojshme policore, të cilat kanë konstatuar se bëhet fjalë për vrasje në tentative, ku  viktima B.M, mashkull 23 vjeç ka pësuar lëndime nga arma e zjarrit”, ka thënë Florije Ahmeti për Gazetën Metro.

Ndërkohë, Policia ka sqaruar se personi i plagosur është dërguar në QKUK për tretman mjekësor, mirëpo akoma nuk dihet për gjendjen e tij.

Policia, ndërkaq, ka theksuar se po vazhdon të punojë për të identifikuar dhe arrestuar personat e dyshuar për këtë rast.