Flet Haradinaj për mjetet që Qeveria do t’i ndajë për rindërtimin e Notre Dame

Kryeministri Ramush Haradinaj ka folur edhe një herë për mjetet që Kosova planifikon të ndajë që të ndihmojë në rindërtimin e Katedrales Notre Dame që u dogj pardje.

Ai ka thënë se shuma që do të ndajë Kosova do të jetë simbolike. Madje për këtë Haradinaj ka bërë ftesë që të kihet kujdes me deklarata.

“Duhet qenë të kujdesshëm kur flasim kundër saj për shkak se Franca është vend mik dhe mijëra kosovarë jetojnë dhe punojnë në Francë”, është shprehur Haradinaj, njofton klankosova.