Fillon hakmarrja në veri, digjet vetura e një polici

Pas arrestimit të djeshëm në veri të Mitrovicës, të drejtorit të të ashtuquajturës Zyrë për Kosovën në qeverinë e Serbisë, Marko Gjuriç, ka pasur disa incidente.

Loading...

Së pari është barrikaduar rruga Mitrovicë-Zveçan,  e mëngjesin e sotëm, rreth orës 04:00, afër Shtëpisë së Shëndetit në pjesën veriore të Mitrovicës, është djegur një veturë dhe dy të tjera janë dëmtuar.

Sipas Radio Kontakt plus, djegia e veturë ishte pasojë e një zjarrvënie, që konsiderohet e qëllimshme. Vetura e djegur ishte pronë e pjesëtarit të Policisë së Kosovës.

Zëvendësi i komandantit rajonal të Policisë së Kosovës, Besim Hoti, ka thënë për këtë radio se në vetura është shkaktuar dëm i madh dhe se policia po e heton rastin.