E ndihmuan adoleshenten siriane të ribashkohet me familje

Një vajzë adoleshente siriane, e cila u trajtua në Turqi pasi ishte plagosur në provincën e Idlibit në veri të Sirisë, u bashkua me familjen e saj, raporton Anadolu Agency (AA).

Loading...

Zyrtarët nga Ministria e Familjes, Punës dhe Shërbimeve Sociale të Turqisë, Gjysmëhënës së Kuqe Turke dhe guvernatori i provincës jugore turke Hatay realizuan ëndrrën e 14-vjeçares E.H.Y. që të shohë prindërit e saj pas një viti e gjysmë.

Ajo i është nënshtruar ndërhyrjeve të shumta kirurgjike për shkak të efekteve të shpërthimit në vendin e saj të përfshirë nga lufta dhe kishte kërkuar nga zyrtarët turq që ta ndihmonin të ribashkohej me familjen e saj pas shërimit.

Gjatë takimit që u realizua në kalimin kufitar Yayladağı në Hatay, familja dhe zyrtarët shpërthyen në lot gëzimi.

E.H.Y tha se është shumë e lumtur që takoi familjen e saj.

“Unë u plagosa rëndë pasi një bombë shpërtheu pranë shtëpisë sonë në Idlib. Më sollën vetëm në Turqi, por për fat të mirë u trajtova këtu dhe u shërova”, tha ajo.

“Kur erdha në Turqi, familja ime ishte në Siri dhe nuk kisha marrë lajm nga askush për një kohë të gjatë”, tha ajo, duke falenderuar zyrtarët për përpjekjet e tyre.

Ndërkohë, nëna e vajzës shprehu lumturinë e saj që takoi vajzën e saj pas një kohe të gjatë.