Babai i jep çantën e gabuar djalit, mësueset zbulojnë diçka të rëndë brenda saj

Dita e parë e shkollës e djalit të tij ka qenë dita më e keqe që ka patur ndonjëherë. Po flasim për një baba në Mbretërinë e Bashkuar, i cili nga nxitimi i ka dhënë djalit të tij çantën e gabuar.

Loading...

24-vjeçari anglez i quajtur Lee Webb me origjinë nga Folkestone në Kent, në Mbretërinë e Bashkuar, e ka ngatërruar çantën e tij të punës me atë të djalit kur e ka nisur për në shkollë. Në vend të çantës me libra, fëmija falë babait të tij ka përfunduar në bankat e shkollës me qese të mbushura me kokainë.

Gjithçka u zbulua nga mësueset e fëmijës të cilat hapën çantën e vogëlushit gjatë kohës së drekës dhe mbetën të befasuara kur panë “ushqimin” që ndodhej brenda.

Fillimisht ato menduan se qesja mbante rrobat e vogëlushit për aktivitetet sportive, por më pas e kuptuan se brenda ishte drogë. Menjëherë ato kanë lajmëruar autoritet policore, e cila pasi ka bërë hetimet, më në fund zbuluan origjinën e qeseve të drogës duke arrestuar babain.

Burri përballë hetuesve u përpoq të justifikonte veten duke shpjeguar se qeset me kokainë nuk ishin të tijat, por ja kishte dhënë dikush tjetër.  Por, këtë justifikim absurd, gjykata nuk e besoi dhe tani pas disa kohësh është dënuar me 4 vite burg.