Arta Nitaj: Në këtë Ramazan po kaloj agjërim shumë të lehtë

Aktorja dhe prezantuesja e njohur televizive, Arta Nitaj në emisionin “PasDite” me Donika Hyseni në RTV Dukagjini ka rrëfyer detaje për jetën dhe karrierën.

Arta ka treguar se agjëron Ramazanin dhe kjo nuk është hera e parë që e bën këtë ibadet.

“Nuk është hera e parë që agjëroj, por kësaj radhe po kaloj me shumë lehtësi. Vij nga një vend si Peja dhe për ramazan ka njëfarë gjallërie…Mbase nuk kam punë shumë të vështirë, po kaloj shumë lehtë me agjërim në krahasim me ata që kanë orar të gjatë”.

Prezantuesja në RTV Dukagjini ka thënë se i vetmi impakt i Ramazanit në jetën e saj të përditshme është ndryshimi i orarit të fitnesit.

“Unë e kam mësuar trupin të shkojë në fitnes  në mëngjes, ndërsa tash shkoj pas iftarit. Është pak më rëndë sepse shkoj me barkun plotë”.

Duke folur për rolin e saj si moderatorë në emisionin “Duelin Sportiv” në RTV Dukagjini, ajo ka thënë se ndjehet shumë mirë dhe shpresoj të vazhdojë në botën e televizionit në këtë rol pa lënë anash edhe aktrimin.

“Se kam menduar asnjëherë se do të bëhem moderatorë e sportit edhe pse babi im ka qenë futbollist. Në shtëpinë time shikohet shumë futbolli, pasi motër nuk kam, ndërsa babai dhe dy vëllezërit janë sportdashës”.

“Xhesika” e “O sa mirë” ka thënë se ky serial i ka hapur shumë dyer, pasi ajo thotë se ka filluar bashkëpunimin me aktorë shumë të njohur, pa anashkaluar edhe rolin e producentit.

Bukuroshja e ekranit duke folur për jetën personale, ka thënë se për momentin nuk ka ndonjë të dashur./Telegrafi/