Agim Bahtiri u zgjodh zëvendës president i AKR-së, ndërsa Arta Haxhaj dhe Shaqir Kutllovci anëtarë të kryesisë

Sot, në mbledhjen konstituive të mbajtur me Kryesinë e AKR-së në nivel Qendror, Kryetari i Mitrovicës, z.Agim Bahtiri u zgjodh zëvendës president i AKR-së në nivel qendror. Po ashtu në mesin e shumë figurave të propozuara për tu përfaqësuar në kryesi, në mesin e shumë të tjerëve ishin edhe dy emra të mëdhenj nga Vushtrria, znj.Arta Haxhaj, njëherit edhe nënkryetare e Degës së AKR-së në Vushtrri, si dhe profesor z.Shaqir Kutllovci po ashtu nga Vushtrria, por që punon dhe vepron në Prishtinë, të cilët u bënë anëtarë të kryesisë.

Loading...

Duke u krenuar me figurat tona që për çdo ditë po vlerësohen dhe po japin kontributin e tyre në çdo anë, në emër të Degës së AKR-së në Vushtrri, urojmë të sapo zgjedhurit në pozitat e emëruara.

Kjo për ta nënkupton edhe rritje përgjegjësish në njërën anë, por aspak dyshim se me profesionalizmin që kanë do t’ia dalin ta përfaqësojnë Vushtrrinë, Mitrovicën dhe tërë subjektin e AKR-së në mënyrën më të mirë të mundshme dhe bashkarishtë të ndërtojmë platformën më të mirë për vendin.