Në këto vende mund të bleni nënshtetësinë, çmime nga 100 mijë dollar në 10 mijë euro

Programe ekonomikë po lejojnë të huajt që të blejnë në mënyrë legjitime nënshtetësinë apo lejen e qëndrimit, në këmbim për investime të konsiderueshme.

Sipas FMN, në një tabelë të quajtur “çmimi i nënshtetësisë”, fenomeni vendoset në perspektivë globale dhe tregohet se përveç Europës dhe Karaibeve, këto programe ekzistojnë edhe në Kanada, SHBA, Australi, Singapor dhe Zelandë të Re.

Opsioni më i lirë për të blerë nënshtetësinë është Dominika, për një investim minimal prej 100 mijë dollarësh.

Në Qipro, kjo vlerë arrin në 2.5 milionë dollarë. Pjesa tjetër në tabelë fokusohet në programet e qëndrimit në botë, ku investimi minimal më i madh për të fituar lejen e qëndrimit, është në Francë me 10 milionë euro.

Ndërkohë, sipas ligjit 108/2013 për të huajt në Republikën e Shqipërisë, ndryshuar me Ligjin nr.74/2016, neni 65 pika 2, një i huaj mund të pajiset me leje qëndrimi nëse ka kryer një investim në Republikën e Shqipërisë në një shumë jo më pak se 2 milionë euro dhe dokumenton se ka krijuar mbi 100 vende pune për një periudhë së paku 1-vjeçare, shkruan Telegrafi.

Ofrimi i nënshtetësisë për shtetas të huaj mund të inkurajojë investime të mëdha për një vend. Në St Christopher dhe Nevis, sasia e parave që qarkullon në sektorin publik prej programeve të nënshtetësisë u rrit në rreth 25% të PBB-së në 2013.

Vendet Europiane po përfitojnë gjithashtu; skema në Portugali përbënte për rreth 13% të investimeve të huaja direkte në 2014-ën

“Mbi 70 për qind e grave në Prizren të ngacmuara seksualisht”

Në organizim të grupit të grave dhe vajzave FEMaktiv, në Marashin  e vjetër të Prizrenit, u mbajt një protestë kundër ngacmimeve seksuale.

Në emër të organizatorëve të protestës ka folur anëtarja e FEMaktiv, Adelina Hasani, e cila tha se në bazë të një raporti rreth sigurisë së grave në hapësira publike në Prizren, del se 70 për qind e grave nuk ndihen të sigurta në hapësira publike dhe 76 për qind e tyre janë ngacmuar gjatë shfrytëzimit të këtyre hapësirave.

“Gjendja është shumë alarmante. Ne tanimë e kemi një raport në lidhje me ngacmimet seksuale, i cili tregon se 70 për qind e grave nuk mund të ecin shlirë në hapësira publike. Po ashtu, aty thuhet se 76 për qind e grave janë ngacmuar në hapësira publike. Ne kemi pritur që institucionet përkatëse të merren me këtë dukuri por nuk janë marrë“, tha Adelina Hasani.

Ajo shtoi se gjendja vetëm sa po përkeqësohet.

Sipas saj, rasti i fundit të tentimit të përdhunimit të një gruaje në rrugën e Marashit është tejet shqetësuese, sidomos marrë parasysh heshtjen institucionale ndaj këtij rasti.

Këto raste po i largojnë gjithmonë e më shumë gratë nga shfrytëzimi i hapësirës publike.

Adelina Hasani tha se protestat do të vazhdojnë deri sa kërkesat e tyre të realizohen dhe të ketë siguri për të gjithë.

Hoxha nesër para Komisionit për Integrime Evropiane

Ministrja e Integrimeve Evropiane, Dhurata Hoxha, pritet të paraqitet nesër në Komisionin Parlamentar për Integrime Evropiane.

Aty ajo do të prezantojë Marrëveshjen Financiare për fondet e IPA 2017, pjesën ndërmjet Kosovës dhe Bashkimit Evropian, njofton zyra për Komunikim e Kuvendit.

Kjo marrëveshje pritet të ratifikohet pas shqyrtimit të projektligjit për këtë marrëveshje.

Kjo do të jetë paraqitja e parë e ministres Hoxha pas publikimit të raportit të Komisionit Evropian në lidhje me kriteret për liberalizimin e vizave.

Tri opsione të diskutueshme në Bruksel për t’i dhënë fund “konfliktit” shekullor serbo-shqiptar!

Shkruan Elhami Qeriqi

Ditët, javët apo muajt në vazhdim do të karakterizohen nga një dinamizëm i theksuar për t’i dhënë epilog Procesit të Brukselit. Opsionet janë t’hapura dhe nuk përjashtohet asnjëra zgjidhje madje edhe ato tema që deri më tani kanë qenë tabu.

-Opsioni i ndarjës së Kosovës?

-Opsioni i koncesionit ndaj Serbisë në këmbim të ulëses në OKB dhe formimit të Ushtrisë së Kosovës? dhe

-Opsioni i shkëmbimit të territoreve në mes Kosovës dhe Serbisë, janë ç’shtjet që mëse shumti do të dominojnë tryezën e bisedimeve në Bruksel.

1. Në rastin e parë, opsioni i ndarjes së Kosovës ka qenë ide e kahershme, e ideuar nga akademiket famëkeq serb, e cila tani ka marr një dinamizëm më të theksuar në Procesin e Brukselit të ndërmjetësuar nga Bashkimi Evropian. Nayrisht duke parë hamendsimin dhe neutralitetin e një pjese të Bashkësisë Ndërkombëtare në relacion me subjektivitetin e Kosovës, në njëren anë, dhe në anën tjetër, duke shfrytëzuar paaftësinë, joseriozitetin dhe çakordimin e plotë të institucioneve tona, Serbia ka aktualizuar dhe imponuar idenë e ndarjes së Kosovës.

Serbia për të krijuar avantazh politik kundrejt pales shqiptare në Bruksel prej kohësh ka imponuar edhe iden e formimit të Zajednicës si zgjidhje për minoritetin serb në Kosovë, që praktikisht përmes saj t’paralizoj dhe të pamundësoj funksionimin normal të shtetit të Kosovës. Në anë tjetër, mos lejimi eventual i formimit të Zajednices nga pala shqiptare do të mund të mirret si pretekst për ndarjen e Kosovës, përkatësisht aneksimi i Mitrovicës Veriore, nga Serbia, natyrisht nëse palët negocuse nuk kanë rënë akoma në ujdi për ndonjë zgjidhje tjetër?

2. Opsioni më i rrezikshëm dhe më i dëmshëme që mund të diskutohet dhe që palët negocuese mund të bien dakord në Bruksel është koncesionet që mund t’i bëhen Serbisë nga pala kosovare në këmbim të fitimit të ulëses në OKB dhe formimit te Ushtrisë së Kosovës. Hipotetekisht koncesionet që mund t’i bëhen palës serbe, në këmbim të ulëses në OKB dhe formimit të Ushtrisë janë: Formimi i Asociacionit, i cili është tepër i rrezikshëm dhe paralizues për Kosovën. Fakti që ky Asociacion po diskutohet në Bruksel tregon për rëndësinë dhe kopetencat që do të ketë, një gjë është m’se e sigurtë Asociacioni nuk do të jetë një lloj OJQ siç pretendohet nga krerët e institucioneve tona, ngase po të ishte fjala thjeshtë për një OJQ, nuk do të bisedohej për atë në Bruksel.

Koncesioni tjetër ndaj Serbisë mund të jetë që Serbia të bëhet hisedare në shfrytëzimin e pasurisë së Kosovës, siç bie fjala, hisedare në Liqenin e Ujmani, e cila i garantohet edhe përmes Asociacionit, pasi sipas kësaj Marrëveshje thuhet se: “Asociacioni ushtron të drejta të plota në planifikimin urban dhe rural.

Rikujtojm se Liqeni i Ujmanit ndodhet në Komunën e Zubin Potokut, Komunë me shumicë serbe dhe e kontrolluar nga Serbia, e nga ky Liqen furnizohen me ujë qytetarët e Kosovës dhe nga hidrocentrali i tij prodhohet energji elektrike. Pastaj hisedare në Trepçë, Brezovicë etj. Dhe një nga proceset më të vështira dhe më të stërgjatura do të jetë demarkimi i kufirit Kosovë-Serbi.

Që të tri këto tema për një kohë të gjatë do ta dominojnë jetën politike në Kosovë, dhe do ta marrin tërë fokusin dhe energjinë, ndërkaq memat si zhvillimi ekonomik, integrimi evropian dhe përmirësimi i mirëqenjes sociale të qytetarëve të Kosovës do të mbeten jashtë fokusit institucional. Kosova nuk duhet të zgjedhë opsion e parë dhe të dytë për t’i japur epilog procesit të Brukselit. Këto dy opsion duhet kundërshtuar dhe përjashtuar në çfarë do mënyre.

3. Çështja e shkëmbimit të territoreve mes Kosovës dhe Serbisë, ndonëse e rrezikshme, mund të jetë opsioni më favorizues si për shqiptarët dhe serbët ashtu edhe për Bashkësinë Ndërkombëtare. Tek e fundit, këta të fundit janë të pajtimit për cilëndo zgjidhje që palët bien dakordë. Opsioni i shkëmbimit të territoreve, përkatësisht shkëmbimi i Komunave me shumicë serbe në Veri të Mitrovicës me tri Komunat me shumicë shqiptare të Kosovës Lindore mund t’i jep fund konfliktit shekullor serbo-shqiptar dhe si e tillë është më favorizuese për shqiptarët. Prandaj pala shqiptare duhet që ta analizojë dhe të përgatitet për një opsion të tillë nëse veç vihet në diskutim, apo edhe duhet që ta imponoj në bisedime si opsionin e vetëm të zgjidhjes së problemit serbo-shqiptar. Pra, ky opsion do të ishte epilogu më i mirë për shqiptarët.

Në të kundërten, shqiptarët do të dalin humbësit më të mëdhenjë gjatë gjithë historisë së tyre, duke pas parasysh poziten favorizuese në të cilen tani ndodhen. Në fund të fundit të tri opsionet janë në tavolinën e bisedimevë dhe të tri këto janë të diskutueshme, dhe të pranueshme për Bashkësinë Ndërkombëtare, këtë e tha edhe Ambasadori amerikn, Greg Delawie. Por, që të tri këto opsionet ka gjasë që do të trazojnë skenen politike në Kosovë dhe nuk do të kalojnë lehtë dhe papasoja.

Si mund t’i mbijetojë Evropa epokës Trump?

Politikanët janë mësuar të përplasen në politikë me politikanë të tjerë. Tradicionalisht, politika e jashtme e një shteti kombëtar ose aleance, përballet me politikën e jashtme të një shteti tjetër kombi ose aleance. Kështu ka qenë prej qindra vjetësh.

Por nuk është kështu në këtë moment. Kur përfshihet Donald Trump, politika nuk përballet me politikën. Përkundrazi, ajo po ballafaqohet me habinë. S’ka precedent për një situatë të tillë në historinë e Perëndimit.

Në historinë e demokracive, kapitulli i çudive është mjaft i shkurtër. Një person si Trump, është një “kafshë” krejtësisht e re politike, dhe që kërkon një qasje krejtësisht të re.

Ky fakt, nuk mund të vihet më në dyshim pas turit të presidentit amerikan në Europë, duke përfshirë ndalesat e tij në Bruksel, Londër dhe Helsinki. Nuk ka shumë logjikë të shpresohet, që Trump do të përmirësohet. Ai është ashtu si është, dhe politikanët e vendeve të tjera duhet të mësohen me të.

Ata duhet të zhvillojnë një strategji specifike, për periudhën gjatë së cilës ky president do të vazhdojë të jetë në detyrë. Për Bashkimin Europian, strategjia më e përshtatshme mund të shprehet me një fjalë të vetme:letargji. Por kjo nuk është dhe aq e lehtë sa mund të tingëllojë. Nuk flasim këtu për gjumin e gjatë, rigjenerues të një ariu në shpellën e vet.

Letargjia në epokën e Trump, kërkon një koncept kompleks politik, që Brukseli duhet të ndjekë në bllok me të gjitha shtetet anëtare, deri në shkallën që kjo është e mundur. Nëse kjo ndodh, ka dritë në fund të tunelit, dhe ndoshta edhe më parë nga sa pritet.

Sjellja e turpshme e Trump gjatë udhëtimit të tij të fundit ka dy shkaqe kryesore: narcisizmin e tij shpërthyes, dhe aderimin e tij në një formë jashtëzakonisht vulgare të kapitalizmit. Në vitin 1989, kur Trump nuk ishte asgjë më shumë se një manjat i pasurive të paluajtshme, ai tha papritmas gjatë një interviste televizive me Lerri King:”Goja ju vjen erë shumë të keqe? A jua ka thënë ndokush këtë?”. Më vonë, Trump e shpjegoi poshtërimin që i bëri moderatorit, duke thënë se kjo ishte një shfaqeje i strategjisë së tij negociuese:të vënit e njerëzve në pozita mbrojtëse.

Java e kaluar, tregoi se ky është një koncept që me sa duket ai e përdor edhe në politikë. Ai kërkoi t’i mbyllte gojën kancelares gjermane Angela Merkel, duke pretenduar se Gjermania është një “peng i Rusisë” në prag të takimit të tij me të. Dhe ai bëri të njëjtën gjë me kryeministren britanike Tereza Mej, duke i deklaruar ballazi se rivali i saj Boris Xhonson, do të ishte një kryeministër i mirë.

Kjo sjellje është vulgare. Dhe joefektive. Gjithçka që ai bën, është të rëndojë gjendjen, dhe ta bëjë më të vështirë gjetjen e gjuhës së përbashkët. Megjithatë, ky është qëllimi kryesor i politikës së jashtme – diçka që Trump duket i paaftë ta përdorë si duhet.

Përsa i përket narcizmit:Trump po përdor vazhdimisht superlativa për të lëvduar veprat e tij. Çfarëdo që ai bën, thotë ose mendon, duhet të jetë më e mira, më madhështorja e të gjitha kohërave.

Ditët kur ai ndjehet modest, mund të shtojë një përcaktor të tipit “ndoshta”.  Dikush mund të mendojë se po synon të izolojë veten nga dyshimi dërrmues ndaj vetvetes. Dhe kjo është ajo që e bën kaq shpërthyes narcizmin e tij. Kur lindin dyshime mbi madhështinë e tij të vetëshpallur, ai është pak a shumë i aftë për asgjë – duke përfshirë shprehjen e fjalive që shumëkush, dhe jo vetëm kundërshtarët e tij, i shohin si tradhti.

Fitorja e tij zgjedhore, nuk ishte aq e madhe sa i pëlqen ta portretizojë ai. Hilari Klinton mori pothuajse 3 milion vota më shumë, dhe Trump u bë president vetëm për shkak të veçorive të sistemit elektoral amerikan. Mbi këshilltarët e ngushtë dhe anëtarët e familjes së tij, rëndojnë ende dyshimet se kanë mbajtur kontakte me rusët gjatë fushatës elektorale.

Agjencitë amerikane të inteligjencës amerikane, kanë dëshmi se agjentët rusë kanë ndërhyrë në fushatë. Legjitimiteti i fitores së tij zgjedhore – triumfi më i madh i egos gjigante të këtij njeriu të vogël – është për pasojë i dyshimtë.

Për këtë arsye Trump, i hodhi shërbimet e tij të inteligjencës gjatë samitit të Helsinkit, dhe përse ai tradhtoi gjithçka që përfaqëson Amerika, duke vepruar si një lake i presidentin rus Vladimir Putin. Të gjitha përpjekjet e mëvonshme, për t’u tërhequr nga komentet, e përkeqësuan më tej situatën. Është një komedi dhe tragjedi në të njëjtën kohë.

Por kjo nuk do të thotë, se Trump nuk është në gjendje të hedhë në disa raste hapin e duhur dhe logjik. Në fillim të viteve 1970, Riçard Nixon ndoqi një politikë të ndjeshme ndaj Kinës, gjë që shtoi presionin ndaj Bashkimit Sovjetik, por ai kujtohet kryesisht për krimet e tij – si presidenti i skandalit Uotergejt – dhe me të drejtë. Trump është një aksident historik, dhe kështu duhet të trajtohet.

Qëndrimi i tij në detyrë është i fundëm:Mund të përfundojë për 2 vjet e gjysmë;në skenarin më të keq, mund të duhet të presim deri në vitin 2021, nëse ai rizgjidhet. Atëherë, çfarë duhet bërë? Europa nuk mund të bënte një gabim më të madh, nëse do t’i përshtasë politikat e saj ndaj qasjes së Trump, dhe duke e lejuar këtë të të fundit të diktojë agjendën.

Asgjë nuk përfundon me Trump. Asgjë nuk fillon me Trump. Ky duhet të jetë parimi udhëheqës i Europës. Ne duhet të mos e ngatërrojmë atë me Shtetet e Bashkuara. Me këtë president s’ka asnjë bashkësi vlerash, por kjo nuk do të thotë se Perëndimi është drejt kolapsit. Ndoshta është në krizë, ka shumë probleme, por SHBA-ja mbetet themeluesja e demokracisë moderne dhe traditat e saj kanë rrënjë të thella.

Trump, nuk shënon fillimin e një epoke të çuditshëm. Pasardhësi i tij, ka shumë të ngjarë të jetë një politikan i vërtetë. Ky pasues mund të vazhdojë për disa kohë linjën e Trump, për shembull, tendencën ndaj izolacionizmit. Por kjo është një prirje që ka ekzistuar shumë kohë përpara Trump, dhe vitet e fundit, ka qenë ndër prirjet afatgjata të politikës amerikane.

Europa mund të përballet me këtë, duke supozuar që politikanët europianë kanë homologë të aftë – politikanë të vërtetë – në anën tjetër të Atlantikut. Deri atëherë, Europa duhet të shmangë distancimin por edhe përshkallëzimin, veçanërisht kur bëhet fjalë për mosmarrëveshjen tregtare me SHBA-në.

Reagimet ndaj Trump, duhet të jenë të përshtatshme, por jo hakmarrëse. Nevojiten politika të ftohta. Trump një dikë do largohet, por SHBA-ja do të mbetet aty – dhe duhet të mbetet një mike e Europës. Thuhet shpesh se për shkak të Trump, Bashkimi Europian duhet të shtërngojë radhët e veta, të krijojë një politikë të përbashkët të sigurisë, dhe të jetë më agresiv në sigurimin e interesave të veta.

Ky argument i jep Trumpit më shumë të drejtë:Europa duhet t’i bëjë këto, pa marrë parasysh se kush është në Shtëpinë e Bardhë. Europa ka bërë shumë pak në frontin e mbrojtjes vitet e fundit, dhe Trump ka shërbyer vetëm për të nxjerrë në pah këtë dështim. Një tjetër interes europian, është ai i ruajtjes së marrëdhënieve të mira me Kinën.

Evropa duhet të luajë rolin e palës së tretë, me dy palët e tjera – Kinën dhe SHBA – që përballen me njëra-tjetrën si superfuqi. Europa nuk mund të rifillojë rolin e saj si aksesor, sikurse ishte gjatë Luftës së Ftohtë, një periudhë kur Amerika përcaktoi qasjen perëndimore ndaj Bashkimit Sovjetik. Europa nuk është e përfshirë në këtë përplasje, ajo është e pavarur prej saj.

Tregtia e lirë, marrëdhëniet e drejta ekonomike, një promovim i butë por këmbëngulës i lirisë, demokracisë, të drejtave të njeriut dhe sundimit të ligjit në Kinë:Këto duhet të jenë udhëzimet e ndjekura nga BE, në marrëdhëniet e saj me Pekinin.

E njëjta gjë vlen edhe për marrëdhëniet me Rusinë, megjithëse aspekti i sigurisë për Europën, luan në këtë rast një rol shumë më të madh. Rusia është gjithashtu një fuqi ushtarake europiane, e cila mund të shkaktojë shumë shpejt një dëm të konsiderueshëm, nëse e dëshiron këtë.

Europa duhet të ndërtojë një politikë të mirë të sigurisë, e cila është po aq optimiste sa edhe pesimiste. Rusët nuk duan luftë, por nëse do të fillojë një e tillë, Bashkimi Evropian duhet të jetë i përgatitur. Brukseli duhet të planifikojë, mungesën afatgjatë të një ombrelle amerikane të sigurisë.

Këto janë detyrat e politikës së jashtme, gjatë letargjisë dhe pas saj. Ato janë detyra që duhet të adresohen nga politikanët e vërtetë. Dhe këtu është mundësia e ofruar nga epoka e Trump: rehabilitimi i politikës profesionale. Politikanët, kanë një shans për të treguar që janë të nevojshme, sepse vetëm ata mund të trajtojnë sfidat me të cilat përballemi. “Der Spiegel International” – Në shqip nga bota.al

Endriti i Thaçit sërish në pushime luksoze, ja ku ka shkuar këtë herë

Jo të gjithë fëmijët e politikanëve janë të përfolur aq sa është i biri i Presidentit të Kosovës, Hashim Thaçi, Endrit Thaçi.

Por jo vetëm se është djali i Thaçit por sepse Endriti është një prej të rinjve që ka udhëtuar më së shumti, pavarësisht izolimit të të rinjve kosovarë të cilët nuk arrijnë të udhëtojnë në asnjë vend evropianë pa liberalizim të vizave.

Endriti, ndryshe nga të gjithë të tjerët ka udhëtuar në shumë vende, madje edhe më larg se Evropa.

Austri, Greqi, Itali, Miami janë vetëm pak nga vendet që ai ka vizituar duke mos harruar Zvicrën e ndër to vende shumë luksoze.

Për këto udhëtime të tij, reagimet ishin të shumta madje së fundi në shumë pjesë të kryeqyteti ishin vendosur edhe ‘bilborde’ ku jeta e tij krahasohej me atë të fëmijëve të tjerë në Kosovë.

Edhe sivjet diaspora paguan ‘haraç’ në emër të Kartonit të Gjelbër

Sivjet kemi hyrë në vitin e 18-të, kur Kosova vet-administrohet, ndërsa as gjatë kësaj vere diaspora kosovare nuk do të ketë mundësinë të udhëtojë me automjete për pushime në Kosovë pa pasur nevojë të ndalojë në kufi për ti dhënë “haraçin” kompanive të sigurimit.

Të rreshtuar në radhë të gjata para çdo vendkalimi kufitar, për çdo verë, mërgimtarët detyrohen t’i mbushin me euro të majme arkat e sigurimeve kosovare.

Këto mjete mblidhen në emër të “Kartonit të Gjelbër”, të cilin shteti i Kosovës, pa përjashtim, qoftë edhe atyre që sjellin dëshmi se sigurimi i shtetit prej nga vijnë i mbulon dëmet edhe në territorin e Kosovës, nuk ia njeh asnjë mërgimtari që dëshiron të futet me makinë në territorin e Kosovës.

Në këtë pikë strikt janë edhe policët kufitar, nuk bëjnë asnjë lëshim, qoftë ai vetëm transit apo për disa orë. “Sigurimin kufitar duhet ta paguajnë të gjithë”, thonë ata. Mirëpo kjo masë e ky rigorozitet i pushtetit, nuk vlen për shtetasit e Serbisë që operojnë në veriun e Kosovës. Madje ne jemi dëshmitar të lëvizjeve të përditshme të makinave me targa të vjetra të Serbisë, të cilat nuk i detyrohen asnjë ligji të Kosovës në këtë rajon.

Është vërtetë se Kosova nuk është anëtare e “Byrosë së Sigurimit Ndërkombëtar” që njihet si Council of Bureaux (CoB) dhe që qytetarët kosovarë nuk mund të qarkullojnë jashtë shtetit me automjete pa paguar fillimisht taksën e Kartonit të Gjelbër, përcjell Telegrafi.

Hilmi Gashi jeton në Zvicër dhe çdo vit vjen në Kosovë në pushime. Kësaj radhe ai ka vendosur që të kryejë pushimet në Himarë e pastaj të kthehet përmes kufirit në Morinë në Kosovë.

Por aty thotë se priti gjatë dhe u detyra serish të paguajë sigurimin në mungesë të kartonit të gjelbër, e të cilin e quaj “haraç vjetor”.

“Sot ne kufirin e Kosovës në Morinë: Rendet e gjata të pritjes para sporteleve të agjencive të sigurimeve për të paguar „haraçin“ vjetor”, ka shkruar ai në profilin e tij në Facebook duke postuar një fotografi ku shihet tollovia e mërgimtarëve që presin për të paguar në sportel sigurimin në kufi.

Unë nuk kam prit shumë sot, sepse jam kthye prej pushimeve prej Himarës. Sigurimin e kam be me 10.7. Por sot Kur erdha ne kufi kish tollovi si ne rruge ashtu edhe para sporteleve, vapa shumë e madhe dhe  Njerëzit e lodhur prej rrugës, prapëseprapë u treguan shumë të durueshëm. Haraç“ sepse nuk është i nevojshëm, po të rregullohej çështja me ane të kartonit të gjelbër. Ne Evrope vetëm Kosova nuk e njeh këtë Karton”, ka thënë Gashi.

Gashi po ashtu tha se sipas informacioneve që ka, ky sigurim nuk shihet si siguri, sepse nuk i mbulon dëmet e shkaktuara në makinat e mërgimtareve, pra BKS kërkon pagesë për polica kufitare, por nuk u ndihmon të siguruarve t‘i realizojnë të drejtat e tyre në raste të dëmit.

“Dhe se treti: ky sigurim shihet si haraç, sepse nuk ka transparence se ku dhe si investohen këto të hyra marramendëse”.

Byroja Kosovare e Sigurimeve, sipas tij është institut i licencuar nga Banka Kombëtare dhe duhet t‘i jap dikujt llogari për këto miliona euro të realizuara për një vit.

Zgjidhja me e mirë sipas tij, do të ishte anëtarësimi ne Zyrën e Kartonit të Gjelbër.

Sigurimi Kufitar i Kosovës mbulon vetëm dëmet minimale

Sigurimi kufitar mbulon vetëm dëmet minimale që automjeti me targa të huaja do të ia shkaktonte palës tjetër në rast aksidenti. Kurse për dëmet tuaja, pavarësisht llojit të sigurimit, qoftë ai edhe kasko, duhet bërë llogari tjetër, atë me sigurimin e shtetit nga ku vjen.

Dhe në qoftë se nuk e ke të sqaruar këtë më parë, lindin telashet.

Jo çdo klientë është i vetëdijshëm se dëmtimi i makinës në Kosovë, qoftë ai edhe me sigurim kasko nga shteti prej ku vjen, nuk nënkupton kompensim automatik të dëmit. Së paku jo për një numër të madh kompanish të sigurimeve zvicerane.

Pasi që pjesa më e madhe e tyre nuk mbulojnë territorin e Kosovës me arsyetimin se ky vend nuk është anëtar i Byrosë së Sigurimeve Ndërkombëtare. /Telegrafi

Ozil tërhiqet nga kombëtarja e Gjermanisë: Nuk do ta pranoj kurrë panjerëzinë, mosrespektin dhe racizmin

Mesfushori gjerman, Mesut Ozil, ka konfirmuar se është pensionuar nga kombëtarja e Gjermanisë, pasi ka ndier mosrespekt nga Federata Gjermane e Futbollit.

Futbollisti i Arsenalit është kritikuar nga krerët e DFB pas takimit me presidentin e Turqisë, Recep Tayyip Erdogan, ndërsa ishte fishkëllyer edhe nga tifozët gjatë stërvitjeve para Kampionatit Botëror, ‘Rusia 2018’.

Kwesé ESPN

@kwesesports

German chancellor Angela Merkel has said Ilkay Gundogan and Mesut Ozil “belong to this national team” as the row over a photograph of them with Turkish president Recep Tayyip Erdogan continues:http://bit.ly/MerkelOzil 

29-vjeçari fillimisht nuk kishte bërë asnjë koment për takimin me Erdoganin në Londër, i cili asokohe kandidonte për t’u rizgjedhur president i Turqisë.

Mirëpo, gjatë të dielës ka bërë një sërë sqarimesh në rrjetet sociale, mes të cilëve ka njoftuar se është tërhequr nga përfaqësuesja e Gjermanisë.

“Trajtimi më ka bërë DFB dhe shumë të tjerë, më bën të mos dua ta vesh më fanellë kombëtare të Gjermanisë. Ndihem i padëshiruar dhe mendoj se ajo që kam arritur që nga debutimi im në vitin 2009, është harruar”.

“Prandaj, me zemër të thyer dhe duke menduar shumë për ngjarjet e fundit, nuk do të luaj më për Gjermaninë në nivel ndërkombëtar derisa e kam këtë ndjenjën e racizmi dhe mosrespektit”.

TRT World

@trtworld

Arsenal’s Mesut Ozil and Manchester City’s Ilker Gundogan are under fire after posing with Turkish President Erdogan

“E kam veshur fanellën e Gjermanisë me shumë krenari dhe gëzim, por tash jo më. Ky vendim ka qenë jashtëzakonisht i vështirë, sepse gjithmonë kam dhënë maksimumin për bashkëlojtarët e mi, stafin e trajnerëve dhe njerëzit e mirë të Gjermanisë”.

“Mirëpo, kur zyrtarët e nivelit të lartë të DFB-së më trajtuan ashtu si bënë, treguan panjerëzi ndaj rrënjëve të mia turke dhe në mënyrë vetanake më përfshinë në propagandën politike, atëherë mjaft është mjaft… Racizmin nuk do ta pranoj kurrë”, ka thënë mes tjerash Ozil.

Gjatë karrierës me Gjermaninë, mesfushori ka regjistruar 92 paraqitje dhe ishte pjesë e skuadrës që e fitoi Kampionatin Botëror në vitin 2014. /Telegrafi/

Treni përplas veturën, tre të vdekur nga aksidenti në Kumanovë (Foto)

Tre persona raportohet se kanë humbur jetën në fshatin Ramali të Kumanovës.

Ngjarja tragjike ngjau kur e gjithë familja ishin në një rrugëtim, por mos sinjalistika e trenit dhe shenjat parandaluese sipas mediave në Maqedoni, kanë sjell përplasjen mes veturës dhe trenit.

Sipas Albeu, pasagjeri me iniciale I.B ka arritur që të shpëtojë por është në gjendje të rëndë shëndetësore.

“E pa e ëma dhe i kaloi gjuha poshtë” Një 23 vjeçar mbytet në Gjirin e Lalzit (VIDEO)

Një ngjarje e rëndë është shënuar mesditën e sotme në Gjirin e Lalëzit.

Një djalë i ri rreth 23 vjeç, identiteti i të cilit ende nuk është bërë me dije, ka gjetur vdekjen.

Ai ishte futur për të notuar në det por është nxjerrë në breg nga një djalë, i cili e kishte parë trupin duke lundruar pezull mbi ujë.

Disa burime konfirmojnë për JOQ, se i riu është nxjerrë me puls të dobët në breg, ndërsa ka qenë vonesa e ambulancës dhe mungesa e ndihmës së shpejtë profesionale çfarë ka bërë të gjejë vdekjen!

Një person tha:

Aman lajmeroni nje ambulance se u be mbi nje ore qe e kemi marre e spo vjen! Kane gjetur nje person te mbytur ktu ne Gjirin e Lalzit. Nje djale i ri ishte por s’i jepet hall se jam mbledh 100 veta edhe nese nuk eshte mbyt po e mbysin ata…”

Një tjetër qytetar ka rrëfyer të gjithë ngjarjen:

Sapo ndodhi një mbytje ne Gjirin e Lalezit, as polici as ambulance nuk erdhi. Ka ndenjur nje ore shtri dhe njerëzit përreth u munduan me i dhene ndihme por nuk munden. S’kishte as roje bregdetare asgje! Ishte diku rreth 23 vjec, e nxorën nga bregu me puls shume te dobët dhe vonesa e ambulancës beri te humbte jetën.

Kur erdhi ambulanca kishte vdek. Nje cun e kishte pare duke lundruar ne uje dhe e ksihte kuptuar qe ksihte diçka qe nuk shkonte dhe e kishte lujt, po ai skishte reagu e ne ate moment e kishte nxjerre ne breg.

Une iu afrova dhe ai ishte i nxire shume ne fytyre. I njoftuam 100 here policinë e ambulancën e serdhen, po ca cuna u munduan ta shpetonin po smunden. Nuk dinim çfarë te bënim, nenes i kaloi gjuha poshtë se ai po jepte shpirt e njerëzit kishin frike me e prek. E perjetova shume keq kete situate, turp per unifromat blu dhe shtetin e duan vetëm me na rrjep dhe per ndihme per popullin svijne kurrë!”/JOQ

 

Vitin e shkuar ndodhën tragjedi të shumta në këtë plazh, por pushuesit vijnë sërish

Gjatë kësaj fundjave pati dyndje pushuesish në plazhin e Porto Novës.

Edhe pse njihet si një nga plazhet më të rrezikshëm pasi disa persona janë mbytur në det vitin e shkuar, kjo nuk i ka sprapsur pushuesit e shumtë që ta frekuentojnë gjatë këtyre ditëve të nxehta.

Për të shmangur këto lloj fatkeqësish, duke parë dhe motin me erë të fuqishme dhe detin me dallgë, është ngritur një patrullë e policisë bashkiake të Vlorës për të sensibilizuar dhe njoftuar çdo plazhist për rrezikshmërinë, dhe për kujdesin që duhet të tregonin në det.

Shefi i policisë bashkiake të Vlorës Mejtim Meçe tregoi për Top Channel masat e marra për sigurinë e plazhistëve.

“Që në orët e para të mëngjesit morëm informacionin që këtu kishte një dyndje pushuesish. Dërguam një shërbim të policisë bashkiake për t’i sensibilizuar në fund të fundit, por edhe për t’i ndaluar. Tashmë siç e shikoni nuk janë më shumë se rreth njëzetë makina, ku në mëngjes ishin rreth 100 makina. Zona e Porto Novës ku jemi, nuk konsiderohet plazh, nuk hyn në zonat e konsideruara nga bashkia për plazh, detyrimisht këtu nuk mund të ketë roje,” u shpreh ai.

Shumë prej pushuesve nuk ishin në dijeni të rrezikshmërisë që paraqet zona detare në këtë plazh.

“Kemi parë tabelat, por nuk e kemi dëgjuar,” thotë një pushuese.

“Erdhëm njëherë dhe na pëlqeu. Ka qetësi dhe është uji i pastër,” shprehet një tjetër pushuese.

Gjatë kësaj të diele më shumë se 100 makina me pushues mbërritën në plazhin e Porto Novës. Krahas patrullimit me policë bashkiakë, në hyrje të plazhit është vendosur një tabelë që tërheq vëmendjen e personave për rrezikshmërinë në det./tch

Regjionale

Moti

Kosovo
few clouds
20 ° C
20 °
20 °
82%
1.5kmh
20%
Mon
24 °
Tue
19 °
Wed
17 °
Thu
20 °
Fri
21 °