70 vjeçari goditet nga vetura

Një aksident ka ndodhur pasditen e djeshme mbrapa Teatrit, ku lëndime trupore ka marrë një këmbësor i moshës 70 vjeçar.

Rastin për Klan Kosova e ka konfirmuar zëdhënësi policor për Rajonin e Prishtinës, Agron Borovci.

“Rreth orës 18:00 është raportuar një aksident trafiku me lëndime në rrugën “Agim Ramadani” mrapa Teatrit,  ku vetura e tipit Ford  ka goditur këmbësorin, një mashkull rreth 70 vjeç cili ka pësuar lëndime. I njëjti është dërguar në QKUK dhe aktualisht po merr trajtimin e nevojshëm mjekësor”, ka thënë Borovci.

Borovci po ashtu tregon se njësia e trafikut ka dalë në vendin e ngjarjes dhe po heton rrethanat e aksidentit.