Me rastin e ardhjes së muajit të bekuar të Ramazanit, Shoqata Bamirëse ‘Bereqeti’ në bashkëpunim me Këshillin e Bashkësisë Islame në Vushtrri, ka shpërndarë ndihma për 100 familje në nevojë.

Për këtë është njoftuar në profilin Këshillit të Bashkësisë Islame në Vushtrri, ku njoftohet për ndihmën e dhënë.

“Ky aktivitet dhe kjo ndihmë do të ndikojnë sado pak në zbutjen e gjendjes materiale të këtyre familjeve. Ndryshe, kjo nuk është hera e parë që Bereqeti ndihmon në komunën tonë. Edhe viteve të kaluara, për muajin e Ramazanit dhe festa tjera fetare e kombëtare, Bereqeti ka qenë afër besimtarëve tanë.” thuhet në këtë njoftim të lëshuar nga KBI-Vushtrri.