Vjen lajmi i shumëpritur për Vushtrrinë dhe Mitrovicën

I është prerë shiriti i nisjes së punimeve para pesë vitesh, por rruga Prishtinë-Mitrovicë ende nuk përfunduar, madje as gjysma e saj.

Por për për të gjitha ata që e frekuentojnë këtë magjistrale vjen një lajm mire, shkruan Drenicapress.

Sot ministri i Infrastrukturës, Lutfi Zharku priti në takim e përfaqësuesit e IDB-së, SFD-së dhe OFID-it, me të cilët bisedoi për mundësitë e realizimit të projektit për zgjerimin e rrugës kryesore M2, Milloshevë – Mitrovicë.Në këtë takim morën pjesë Atiq Ahmad – përfaqësues i Bankës Islamike për Zhvillim (IDB), Yaser A. Albakri dhe Abdullah M. Al Shoaibi nga Fondi Saudit për Zhvillim (SFD), si dhe Arij F. Senussi Abedesaid dhe Natalia Patricia Salazar Alekseyeva nga Fondi për Zhvillim OFID, të cilët shprehën gatishmërinë për financimin e këtij projekti shumë të rëndësishëm, i cili do të mundësojë qarkullimin më të mirë në mes të Mitrovicës dhe Prishtinës.

Ndër të tjera, u diskutua edhe për rëndësinë e implementimit të këtij projekti me sukses dhe në afat sa më të shpejtë.

 
Loading...