Sot fillon inspektimi i përbashkët i Inspektorati Policor të Kosovës dhe të Shqipërisë

Sot, duke filluar nga ora 11:00, në objektin e Drejtorisë së Policisë në Kukës (Republika e Shqipërisë) pas një takimi të përbashkët që pritet të zhvillohet  në mes agjencive mbikëqyrëse të policisë së Kosovës dhe Shqipërisë (IPK-së dhe SHÇBA-së) si dhe përfaqësuesve të policive kufitare të dy vendeve Republikës së Kosovës dhe Republikës së Shqipërisë, do të filloj edhe zyrtarisht inspektimi i përbashkët i të dy institucioneve.

Ky inspektim i përbashkët vjen pas nënshkrimit të  protokollit për inspektim të përbashkët  një javë më herët (më 13.04.2016) nga Kryeshefi Ekzekutiv i IPK-së z. Fitim Shishani dhe Drejtori i Përgjithshëm i SHÇBA-së z. Arben Skendo dhe është vazhdimësi e aktiviteteve  në kuadër të Memorandumit të mirëkuptimit për bashkëpunim në fushën e kontrollit të brendshëm dhe mbikëqyrjes policore, të nënshkruar nga Ministrat e Brendshëm të Republikës së Kosovës dhe Republikës së Shqipërisë në marsin e vitit të kaluar.

Prezent në këtë ngjarje do të jenë përfaqësues nga MPB-ja e Shqipërisë,  ICITAP-i Amerikan, zyrtarë të SHÇBA-së etj.