I sapo aderuari në Vetëvendosje, nuk pajtohet me disa nga veprimet e saj

I sapo aderuari në Lëvizjen Vetëevndosje, Xhavit Drenori, ende pa dal me ndonjë deklaratë zyrtare për aderimin e tij në Vetëvendosje ka shprehur pa kënaqësitë me disa nga veprimet e lëvizjes.

Drenori, lajmin për kalimin e ti në Vetëvendosje e ka konfirmuar në llogarinë e tij Facebook, mes të tjerash ai ka thënë se ende nuk pajtohet me disa veprime të partisë së tij të re.

“Ende vazhdoj të mos pajtohem me disa veprime të VV-së, por vizioni i përgjithshëm për të ardhmen e qytetarëve tanë është shumë i përafërt”, ka shkruar Drenori.

Drenori ka thënë se nuk ishte aspak vendim i lehtë kalimi në Vetëvendosje.

Drenori dje gjatë ditës ka konfirmuar për Insajderin se ai do të jetë kandidat për deputet nga ky subjekt politik.

Xhavit Drenori në zgjedhjet e jashtëzakonshme për kryetar komune ne Drenas si kandidatë i pavarur kishte marr 12 përqind duke u renditur i treti në këto zgjedhje pas, Ramiz Lladrovcit të PDK-së dhe Isa Xhemajlaj të Nismës për Kosovën./Insajderi.com