Reagon komuna e Drenasit: Nxënësit e armatosur nuk janë të Drenasit

Komuna e Drenasit përmes një komunikate për medie ka njoftuar opinionin e gjerë, se lajmi i përhapur ku thuhet se nxënësit e Drenasit shkojnë në ekskursione të armatosur deri në dhëmb, është i pavërtetë.

Komuna ka sqaruar se nxënësit e kontrolluar në Arllat të Drenasit nga Policia e Kosovës nuk janë nxënës të Komunës së Drenasit, por të ndonjë komune tjetër.

Më poshtë mund të lexoni sqarimin e plotë të Komunës së Drenasit të cilin e transmeton drenicapress.info

Komuna e Drenasit ndjen për obligim të njoftojë qytetarët, veçanërisht nxënësit e Komunës së Drenasit, përmes kësaj komunikate, sqarojmë, se lajmi nuk është i vërtetë dhe se nxënësit nuk janë të Komunës së Drenasit. Lajmi është i pavertet i publikuar në media (portale) me titullin “Nxënësit armatosen deri në “dhëmbë” për të shkuar në ekskursion, ndëryhn policia në Drenas”, fillimisht në gazetën “Express” të shpërndarë pastaj edhe në portalet tjera. Nxënësit nuk janë të Komunës së Drenasit, por ishin ndalur nga Policia e Drenasit, në regjionin e Drenasit, prandaj kur të publikoni lajme, ju kisha lutur të jeni korrekt dhe t’i verifikoni burimet dhe saktësinë e lajmit.

 
Loading...