Nesër, dita e çlirimit dhe e dëshmorëve të Drenasit

Drenica në përgjithësi dhe Drenasi ne veçanti, janë ndër vendet që dhanë dhe sakrifikuan shumë për lirin të cilën ne sot po e gëzojmë.

Vuajtje, burgosje, përdhunime, vrasje dhe maltretimet nga më të ndryshme u bënë mbi popullatën civile shqiptare nga okupatori serb. Drenica dhe Drenasi janë nga vendet që pësuan më së shumti.
Duke mos u pajtuar asnjëherë me pushtuesit nga komuna e Drenasit ranë shumë dëshmorë e komandant të çmuar, mbetën invalid shumë luftëtarë të lirisë, u prangosën dhe u maltretuan shumë qytetarë si dhe  u përdhunosën dhe u zhdukën shumë civil.

Mirëpo, të gjitha këtyre vuajtjeve dhe maltretimeve u erdhi fundi, falë luftës çlirimtare të UÇK-së, si dhe bombardimeve të NATO-së mbi okupuesit serb.
Dita e 14 qershorit mbetet në histori dhe në mendjen e çdo qytetari të Drenasi, në këtë ditë nuk mund të dëgjosh asgjë tjetër, përveç fjalës “liri”.
Aktivitetet për të shënuar këtë 17 vjetorin të çlirimit të Drenasit dhe ditës së dëshmorëve fillojnë nga ora 10:00 duke bërë homazhe tek Lapidari i Dëshmorëve në qendër të qytetit.
Nga ora 11:00 fillon Seanca Solemne në Kuvendin Komunal.
Nga ora 11:30 fillojnë aktivitet në pikturë nga nxënës të shkollave.
Nga ora 14:00 mbahet finalja e Turnirit Tradicional “Rasim Kiçina” dhe
Nga ora 20:30 do të përmbyllen aktivitetet me manifestimi qendror, program festiv në Sheshin “Fehmi Lladrovci”. /Drenica Press/

Lexo tjetër  Ja pse u arrestua ish-kandidati për kryetar të Prishtinës