Mësuesi që refuzoi mirënjohjen: S’mundet të më vlerësojë një nxënës aq i dobët si Lladrovci

Xhemë Binaku, dikur mësues në komunën e Drenasit ka refuzuar mirënjohjen nga kryetari i kësaj komune, Ramiz Lladrovci.

Ai ka thënë se Ramiz Lladrovci nuk mundet ta vlerësojë punën e tij, meqë ishte nxënës i dobët.

“Unë e kam refuzuar se punën time nuk mund ta vlerësoj një nxënës aq i dobët sikurse ka qenë Ramiz Lladrovci absolutisht asgjë nuk merr erë”.

“Mund ta gjeni edhe suksesin e tij krejt mjaftueshëm [2]. Njerëzit e tillë të vihen në krye të institucione pse kemi krizë ekonomike krizë në ekonomi, ai në fund edhe në debat tha se nuk ka lënë gjë pa bë kur ka qenë i ri”, ka thënë Binaku.

Por, Binaku ka edhe një konflikt me Lladrovcin, pasi që ishte shkarkuar nga pozita e drejtorit, raporton Klan Kosova.

Lladrovci nuk ka dashur të komentojë refuzimin që mësuesi Binaku i ka bërë por zyrtarët për informim nga kabineti i tij kanë thënë se nuk qon peshë një i pakënaqur.

Ramiz Lladrovci është kryetar aktual i Komunës së Drenasit, derisa ka rikandiduar edhe për një mandat në këtë komunë, nga radhët e Partisë Demokratike të Kosovës.

Lladrovci ka shërbyer më parë edhe si Ambasador i Kosovës në Shqipëri.