Mërgimtari mbjell 4300 shegë në tokën e braktisur (foto)

Një emigrant nga Mirdita ka vendosur të kthehet nga emigracioni për të investuar në vendin e lindjes.

Ai ka investuar në 5,2 hektarë toke e cila më parë ishte djerrë duke mbjellë 4300 rrënjë shegë.

Ministri i Bujqësisë Edmond Panariti ishte në fshatin Perlat ku vizitoi sipërmarrjen e mirditorit.

“Është një nder investimet më të zgjuara, ku një banor i zonës ka kthyer tokën e coptuar e lënë djerrë në tokë produktive”, është shprehur ministri.

Ndrësa ka shtuar se ky rast duhet të jetë një shembull për të gjithë dhe se mbështetja për të do të jetë e madhe.

“Fermerët duhet të ndjekin këtë shembull, duke u orientur drejt investimeve produktive dhe që japin rezultat. Fermeri që ka investuar do të mbeshtetet me grande dhe mbështetjen tonë do ta kenë të gjithë ata që përkushtohen në sipërmarrje të tilla dhe ky investim, ka bërë që disa fermerë të bashkojnë tokën, ndërkohë më pas, investitori do të investojë edhe në një fabrikë prodhimi lëngjesh”,tha Panariti.