Lumi Trepça del nga shtrati, rrezik për vërshime

 

Drejtori i Mbrojtjes dhe Shpëtimit në komunën e Mitrovicës, Musa Dragaj, ka thënë se reshjet e shiut, që nuk janë ndalur gjatë gjithë ditës, kanë shkaktuar probleme në disa lokalitete.
“Aktualisht gjendja më e acaruar paraqitet në rrjedhën e lumit Trepça, ku uji është rritur dhe në disa vende ka dalë në rrugë. Nëse vazhdon me këtë ritëm, mund të paraqes rrezik për vërshime. Mirëpo, për fat, tash për tash situata është nën kontroll”, ka thën drejtori Dragaj, duke shtuar se “Në Broboniq ka shembje dheu dhe bllokim të pjesërishëm të rrugës dhe vështirësi qarkullimi në urën brenda fshatit, pasi uji ka vërshuar mbi urë”.
Rritje të nivelit dhe arritje të ujit buzë brigjeve ka edhe në lumin Sitnica, që shpesh ka përmbyt tokat e punueshme dhe shtëpitë që ndodhen në afërsi të lumit, por që  aktualisht kjo nuk ka ende.