Ky është shefi i kabinetit të Lladrovcit

Ramiz Lladrovci ka bërë publike ndryshmet në Komunën e Drenasit. Më poshtë mund të gjeni emërimet e bëra sot nga i pari i Drenasit

Me qëllim të avancimit të punës në komunën e Drenasit, fuqizimit të zbatimit të ligjit dhe ngritjes së cilësisë së shërbimeve për qytetarët, kam bërë disa emërime.

Gani Syla, veprimtar i çmuar i çështjes kombëtare dhe i dëshmuar në angazhimet e tij të deritashme, është emëruar nënkryetar i komunës.

Idriz Hysenaj, veprimtar i dalluar i çështjes kombëtare dhe ushtar shembullor i UÇK-së, i njohur për angazhimin e tij të gjithanshëm, është emëruar Drejtor i Drejtoratit për Planifikim urban dhe Mbrojtje të mjedisit.

Flamur Curri, profesionist i ri i dëshmuar, emërohet Shef i Kabinetit të Kryetarit të Komunës./Drenica Press/