Kryetari Bahtiri përgëzon minatorët për pezullimin e grevës

 

Kryetari i Komunës, Agim Bahtiri, ka përshëndet vendimin e minatorëve të Stantërgut për pezullimin e grevës.
“Unë i falënderoj minatorët për vendimin e tyre të mençur për të ndërpre grevën dhe për t’iu dhënë kohën  e duhur institucioneve të Republikës së Kosovës, për të realizuar premtimin e tyre për zgjidhjen e çështjes së “Trepçës”, në interes të punëtorëve të saj dhe qytetarëve të vendit. Përveç kësaj, minatorët me këtë vendim kanë ruajtur edhe shëndetin dhe i kanë gëzuar familjet e tyre e të qytetarëve të vendit, që ishin tejet të brengosur për ta”, ka thënë kryetari Bahtiri.
Ai në vazhdim ka thënë se duhet të kihet besim tek institucionet e Republikës së Kosovës për zgjidhjen e drejtë të çështjes së Kombinatit “Trepça”, por edhe të ndërmarrjeve tjera, duke u shprehur të jetë i bindur se zgjidhjet do të jenë në interes të punëtorëve, qytetarëve dhe të shtetit të Kosovës.