Jeton në Austri por në pikturat e saj zë vend malli për Drenicën (foto)

“Atdheu është sikur familja, vleren ia dimë vetëm atëhere kur e humbim”, pati thënë Shaban Jashari. Kurse Sami Frashëri ka thënë “Dashuria për atdheun është topi që shkatërron kalatë më të forta dhe kalaja që mund t’u qëndrojë topave më të fortë!”

Këto dy thënie i dinë edhe Drita Kadriu – Kryeziu, e lindur në Likofc të Skenderajt, por jeton e punon në Austri me bashkëshortin dhe katër fëmijët e saj.

Nga malli që ka lënë Kosovën, Drita ka filluar të pikturoj, dhe frymëzimin e ka marrë nga ngjyrat e natyrës e veçmas të natyrës së Kosovës, përcjell Drenicapress.

Në 300 pikturat e saj vendin më të madh e zë tematika nga Kosova. Mjafton të shoh emrat e pikturave, emocionohesh se sa mall ka kjo piktore për vendin e saj!

“Lulja e Likofcit”, “Kaltërsia nga Kosova”, “Lulet për Prekazin historik”, “Bukuria e Drenicës”, Lule për Skenderajn”etj., janë disa nga emrat e pikturave të saj.

Ëndërra e Dritës është që të hap një ekspozitë me pikturat e saj në Skenderaj, Prishtinë, Tiranë dhe kudo që ka shqiptar.

Komuna e Skenderajt dhe ministria e Diasporës, duhet t’ia mundësoj jo vetëm Dritës, por edhe të gjithë krijuesve nga diaspora që krijimet e tyre në mërgim t’ia prezantojnë artdashsve në Kosovë./Drenicapress.info/

1.Bukria e Drenicës

2. Lulja në Likofc

3.Lule për Skenderajn

4. Lulja e Likofcit historik

5. Prekazi historik

6. Arti modern