Ja planet për Murin që do të ndërtohet pas rrënimit të Murit! (FOTO)

Kryetari i Komunës së Mitrovicës së Veriut, Goran Rakiq, tha se me Prishtinë është arritur një marrëveshje që muri i ndërtuar të largohet nga aty.

“Ky mur, quajeni si të doni, si mur mbështetës, mur pengues apo quajeni si të doni, nuk dua të merrem më me këtë çështje. Unë mund vetëm të them që ai do të largohet nga pozita momentale, në të cilin është”, tha Rakiq.

Rakiq në mbledhje prezantoi planin për ndërtimet pranë urës së lumit Ibër, dhe ka deklaruar se ato do të nisin brenda pak kohe.

“Për një ditë, eventualisht dy ditë, do të fillohet me punë për strukturën e re që e prezantova. Kjo është ajo që jemi marrë vesh dhe kështu do të implementohet në terren”, shpjegoi Rakiq duke u thënë asamblistëve dhe qytetarëve se nuk ka arsye për shqetësim.

Në vijim Gazeta Blic u sjell pajmjet e planit sesi do të duket pjesa pas Urës në Veri që Rakiqi ka ndërmend ta ndërtojë, me siç tha ai “marrëveshjen” që ka arritur me Prishtinën.