Ja çmimet e biletave për finalen Barca – Juve

Pas përcaktimit të finalistëve, UEFA ka caktuar çmimet e biletave për ndeshjen finale të Ligës së Kampioneve, e cila do të zhvillohet me 6 qershor mes Barcelonës dhe Juventusit.

UEFA do t’u japë dy skuadrave nga 25 mijë bileta secilës, ndërsa pjesa tjetër do të jetë në dispozicion për shikuesit neutral.

Biletat janë ndarë në katër kategori të çmimeve, nga 70 euro për të parën, 160 të dytën, 280 të tretën dhe më të shtrenjtat, 390 euro për të katërtën.