Gjilani – Feronikeli, Kastrati parashikon fituesin

Kapiteni i Gjilanit, Ylber Kastrati, nuk do të ketë mundësi t’i ndihmojë shokët e tij në ndeshjen e nesërme kundër Feronikelit, për shkak të kartonit të kuq me të cilin u ndëshkua në javën e kaluar. Megjithatë, ai do të jetë aty për t’i motivuar, sepse tri pikë nga kjo përballje janë alternativa e vetme.

“Si nç çdo ndeshje tjetër, do të hyjmë për ta dhënë maksimumin dhe për t’i fituar tri pikë të reja. Natyrisht që diçka e tillë nuk do të jetë e  lehtë, sepse Feronikeli në bazë të grupit të futbollistëve që e ka duhej të ishte në luftë për titullin e kampionit. Pra, ne kemi shumë respekt për Feronikelin, por kjo është një arsye tjetër për t’u angazhuar maksimalisht dhe për të shënuar fitore”, ka thënë Kastrati për Insporti.com.

Gjilani në këtë javë hyn edhe me ndryshime në shtabin teknik, pas dorëheqjes së trajnerit Arbnor Morina. “Kështu e ka sporti dhe ndryshimet gjithmonë janë në trend. Trajneri (Morina) e ka vlerësuar situatën dhe ka vendosur ashtu për të mirën e klubit. Albani (Hyseni) e njeh mirë skuadrën, ka qenë me ne gjatë gjithë kohës dhe shpresojmë që ndryshimet të kenë ndikim pozitiv”, ka shtuar Kastrati.

Lexo tjetër  Juventus-Bologna, golat dhe rastet (video)