Dy vëllezërit Lladrovci kampionë me dy skuadra të ndryshme

Edicioni i sapopërfunduar në futbollin e Kosovës ishte jashtëzakonisht i suksesshëm për vëllezërit Lladrovci, Lapidarin e Drilonin.

Që të dy u shpallën kampionë të Kosovës, me ekipe të ndryshme dhe në rangje të ndryshme të futbollit kosovar, shkruan sot “Koha Ditore”. Lapidari triumfoi me Trepçën ’89 në Vala Superligën e Kosovës, kurse Driloni me ekipin e Flamurtarit u rikthye në elitë si kampion i Ligës së Parë.

“Dy kampionë në një shtëpi. Është një ndjenjë fantastike, kemi arritur ta bëjmë krenare familjen që gjithmonë na mbështet drejt arritjeve në sukseset tona”, thotë Driloni 22-vjeçar.

Për dallim prej Drilonit që ka shijuar titullin e parë si senior, Lapidari tashmë është mësuar me suksese, të cilat nuk i ndahen në edicionet e fundit. Në të vërtetë, 26-vjeçari ka qenë dhe mbetet frymëzim për Drilonin… (më gjerësisht lexoni sot në “E Diela me Koha Ditore”)